ERZIROM - Di lêpirsîna windabûna Gulistan Doku de, yek ji polîsên ku hatibûn binçavkirin, Gurkan Gurdal, hat girtin, di heman demê de dozgeriyê li dijî biryara kontrola edlî ya ku ji bo du polîsên din hatibû dayîn îtîraz kir.

 

Di lêpirsîna ku Serdozgeriya Komarê ya Erziromê ya derbarê Gulistan Doku, xwendekara sala duyemîn a Beşa Pêşketina Zarokan a Zanîngeha Munzurê ku di sala 2020'an de li Dêrsimê winda bûbû, de di 29'ê Tebaxê de di operasyonekê de 10 kes hatin binçavkirin. Di nav kesên hatine binçavkirin de polîsên noqar Gurkan Gurdal, Alaattin Kocamemik û Vahit Ilgor jî hene û îro anîn Dadgeha Erziromê. Piştî îfadeyên wan ên li dozger, her sê polîs bi daxwaza girtinê sewqî Dadgeha Sulhê ya Erziromê hatin kirin.

 

Sê tohmetên cuda 

 

Hat hînbûn ku polîs bi "tunekirin, veşartin an guhertina delîlên sûc", "dayîn an bidestxistina daneyan bi awayekî neqanûnî" û "zirar, tunekirin an veşartina belgeyên fermî" hatine tawanbarkirin.

 

Polîsek hat girtin

 

Dadwer fermana girtina polîs Gurkan Gurdal da. Polîs Alaattin Kocamemik û Vahit Ilgor bi çavdêriya dadwerî hatin berdan.

 

Hat hînbûn ku Serdozgeriya Komarê ya Erziromê li dijî fermanên çavdêriya dadwerî yên li dijî Alaattin Kocamemik û Vahit Ilgor hatine dayîn îtîraz kiriye.