NAVENDA NÛÇEYAN - KCDP'ê di rapora xwe ya meha mijdarê de eşkere kir ku 25 jin di meha mijdarê de hatine kuştin û 21 jin jî bi awayekî bi guman jiyana xwe ji dest dane. 

 

Platforma Em ê Kuştina Jinan Rawestînin (KCDP) rapora şîdeta mêran a meha mijdara 2021’ê eşkere kir. Li gorî raporê di meha mijdarê de 25 jin hatine kuştin, 21 jin jî bi awayekî bi guman mirine. Sedema kuştina ji 25 jinan a 10 jinan nehat hînbûn, 13 jin jî ji aliyê mêrê pê re zewicî yan jî xizmên xwe ve bi hinceta wek dev ji hevberdanê, li hev nekirin, nexwestin bizewicin, nehiştin ku bi hev re têkilî daynin hatin kuştin. 

 

Kujer dîsa kesên ji nêz ve ne

 

Li gorî raporê; ji 25 jinan 10 jin ji aliyê hevjînên xwe ve, 5 jin ji aliyê hevalên xwe yên mêr ve, jinek ji aliyê hevalê xwe yê berê ve, 4 jin ji aliyê mêrê berê pê re zewicî ve, 3 jin ji aliyê xizmên xwe ve, 2 jin ji aliyê bavê xwe ve, jinek ji aliyê birayê xwe ve, jinek ji aliyê lawê xwe ve, 2 jin ji aliyê kesên nas ve hatine kuştin. Sedema kuştina jinekê jî nehatiye tespîtkirin. 

 

Jin li malên xwe hatine kuştin

 

Ji van jinan 20 jin li malê, 4 jin li derve, 3 jin li cihê kar û jinek jî li nav erd hatine kuştin. Cihê ku jinek lê hatiye kuştin nehate tespîtkirin. Ji sedî 69’ê jinên di meha mijdarê de hatin kuştin li malên xwe hatine kuştin.