AMED - Li Amedê civîna jinan a Rêveberiyên Herêmî yên Demokratîk pêk hat û hevşaredarên jin bal kişand ser rola jinan di avakirina aştî û civaka demokratîk de û gotin: "Jin jiyan e, jiyan xwerêveberî ye."

 

Lijneya Rêveberiyên Herêmî ya Partiya Wekhevî û Demokrasiyê ya Gelan (DEM Partî), di navbera 23-24’ê Gulanê de li Amedê “Civîna Jinan a Rêveberiyên Herêmî yên Demokratîk” li dar xist. Hevşaredar û endamên meclisê beşdarî civînê bûn û mijarên girîng hatin nîqaşkirin. Di civînê de hate gotin ku di pêvajoyeke dîrokî de ne û têkildarî rista rêveberiyên herêmî, qirkirinê jinê, ekolojî, aborî, keda jinê û xebatên divê bikevin pratîkê nîqaş hatin kirin. 

 

Hevşaredarên tevlî civînê bûn bal kişandin ser xebat û plansaziya pêşerojê. 

 

'Ji bo aştî, edalet û demokrasiyê'

 

Hevşaredara Bajarê Mezin a Wanê ya ku li şûna wê qeyûm hatî tayînkirin Neslîhan Şedal bal kişand ser civîna ku piştî salekî hat lidarxistin û got: "Me civîna xwe ji bo lêkolînên berfirehtir li ser pirsgirêkan bi awayekî xurtir û bi biryartir li dar xist. Di çarçoveya dirûşmeya ‘Jin jiyan e, jiyan xwerêveberî ye’ de me civîneke demkî pêk anî. Ji ber ku îdeolojiya ku em pê re hatine, perspektîfa ku em hewl didin pêk bînin, di rastiyê de hewl didin ku demokrasiya gel, civakî û bi tevahî beşdariyê radîkal bikin.

 

Di nav civakê de herî zêde jin û ciwan bi pirsgirêkan re rûbir û dimînin. Ji ber vê yekê yên ku pirsgirêka çareser bikin rêveberiyên herêmî ne. Jin di nav rêveberiyên herêmî de bi hêz in, pêşeng in, motîvasyonê pêş dixe û dibe kirde. Me civîna xwe li ser dirûşma, pêşxistina hilberandin, qabiliyeta çareseriya pirsgirêkan, derxistina tiştên ku di dîrokê de hatine veşartin pêk anî. Demên borî jî bi heman ferasetê ‘Jin jiyan e, jiyan xwe rêvebirîne’ gelek civîn û hevdîtinên jinan li dar xist. 

 

Em niha di pêvajoyeke dîrokî re derbas dibin. Li vî welatî pirsgirêka herî bingehîn nebûna aştî, edalet, hiqûq û demokrasiyê. Ji bo pêkanîna aştiya civakî û demokrasiyê divê di serî de aştî pêk bê. Gelê Kurd 100 sal in bi qirkirin, asîmilasyon û tunehesibandirê re rûbirû mane. Di 27'ê Sibatê de Rêberê Gelê Kurd Abdullah Ocalan banga civaka aştî û demokrasiyê kir. Em ji bo xwedî li derketina banga Birêz Ocalan rêxistinbûna xwe mezin dikin. Em baş dizanin ku heta ku li vî welatî azadiya Kurd pêk neyê, aştî, edalet û demokrasî nayê vî welatî."

 

Ji bo jiyaneke azad... 

 

Hevşaredara Farqîna Amedê Sevîm Bîçîcî, di axaftina xwe de bal kişand ser pêvajoyê û wiha ji ajansa me re axivî: "Li ber me rêyeke dirêj heye. Ne tenê ji bo azadiya xwe, ji bo her çar parçeyên Kurdistanê û Rojhilata Navîn ji bo jinan em têdikoşin. Em di civînê de behsa mezinkirina rêxistinbûna xwe dikin. Armanca me rêxistinbûn, rêxistinkirin e. Nîşandana rengê jinê ye. 

 

Îro bingeha pêvajoyê ji hêla pêşengên jin ên Tevgera Azadiya Kurd ve hat avêtin. Ev yek bi pêşengtiya jinan pêk tê. Em ê di vê rêyê de bimeşin. Dema ku em bawer bikin ku em di civakek bê tundûtûjî de, li erdnîgariyek bê şîdet bijîn, wê demê em ê hemî bi rastî azad bibin. Ji ber ku li cihê ku şîdet hebe, em ne dikarin behsa ewlehiyê û ne jî azadiyê bikin.”

 

Em çawa dikarin bajarên jinan ava bikin

 

Hevşaredara Êlihê Gulîstan Sonûk a ku li şûna wê qeyûm hat tayînkirin jî diyar kir ku wan civînek li dar xistiye û tê de xebatên salekê hatine kirin û nehatine kirin nirxandine.  Gulîstan Sonuk derbarê naveroka civînê de jî wiha got : “Di vê civînê de me behsa tiştên ku di sala borî de me karîbûn û nekarîn kie û di vê civîna dîrokî de ji bo me çi bi nirx e, me bahsa wê kir. Di dema avakirina civakeke demokratîk de, di bin pêşengiya jinan de em dikarin vê pêvajoyê bi awayekî xurtir bidomînin, di avakirina civakeke demokratîk de rola pêşengiyê heye. ciwan, bi gotineke din, her kesê ku li bajar û li herêmê dijîn, em me nirxand ka em çawa dikarin xizmetê berfirehtir bikin.  Em bi nêzîkatiya xizmetguzariyê ku hewcedariyên jin, extiyar, astengdar û ciwanan dihewîne, bi gotineke din her kesê li bajar û li herêmê dijîn, nêzîk dibin. Me nirxand ku em çawa dikarin xizmetê berfirehtir bikin. Ji bo me jî pir watedar e ku ev civîna dîrokî ket meha Gulanê. Em bi zanebûna ku em dikarin bajarên jinan çawa ava bikin tevdigerin û em çawa dikarin bidin xuyakirin ku destkeftiyek aîdî jinan e û di rastiyê de ya hemû civakê ye."

 

‘Jin li dijî yekparêziyê pirreng in’

 

Gulîstan Sonük, anî ziman ku siyaset refleksa li ser civakê ye û got, "Rewşa zihniyeta mêr serdestiya mêr û cinsiyetperest a li ser civakê şer, zayendperestî, mîlîtarîzm, olperestiyê ferz dike û çanda tecawizê bi xwe re tîne. Rêvebiriyên jinan berovajiyê wê azadiya jinê esas digirin.  Li dijî yekperestiyê neteweyek demokratîk e ku ne tenê di warê rêveberiyên herêmî de, di hemû qadên siyasetê de jî nêrîna jinan zêde dike, ji ber ku mejiyê jinan bi siyasetê ve girêdayî ye, em ê di  "Bi tevgera siyasî ya Kurd li Herêma Kurdistanê re, rengê siyasî yê Tirkiyeyê guherî û piştî vê zimanê tundiya siyasî ya mêran, derketina tevgera jinên Kurd û gotin guhert û bi guhertina siyasetê re civakek demokratîk anî."