ENQERE - Hevdîtina navbera Heyeta DEM Partiyê û Wezîrê Edaletê Yilmaz Tûnç destpê kir. Di hevdîtinê de tê payin ku tecrîda li ser Rêberê Gelê Kurd û 'mafê hêviyê' bê nirxandin.

 

Hevdîtina navbera Heyeta Partiya Demokrasî û Wekheviyê ya Gelan (DEM Partî) û Wezîrê Edaletê Yilmaz Tûnç li avahiya wezaretê destpê kir. Heyet ji Serokwekîlên Koma Meclîsê ya DEM Partiyê Gulistan Kiliç Koçyîgît û Sezaî Temellî û Alîkarê Hevserokên Giştî yê ji Komîsyona Mafên Mirovan û Hiqûqê Berpirsyar Oztzurk Turkdogan pêk tê.

 

Tê payin ku di hevdîtinê de tecrîda li ser Rêberê Gelê Kurd, 'mafê hêviyê', rewşa girtiyên nexweş, qanûna înfazê, Qanûna Têkoşîna li dijî Terorê bêne nirxandin.

 

Her wiha tê payin ku dosyayek li ser mijarên sereke yên bi pêvajoya banga Rêberê Gelê Kurd re destpê kir, pêşkêşî Yilmaz Tûnç  bê kirin.