AMED - Konferansa Parlamenterên Jinên Kurd, ku dê 2 rojan li Amed bidome, dê di roja yekem de bi parvekirina ezmûnan dest pê bike û di roja duyem de bi komxebatan bi dawî bibe.

 

Bi pêşengiya Tevgera Jinên Azad (TJA), Konferansa Parlamenterên Jinên Kurd dê di 28-29'ê Gulanê de li Çand Amedê were lidarxistin. Parlamenterên jin ên Kurd ji çar parçeyên Kurdistanê, Rojhilata Navîn û gelek deverên Ewropayê dê beşdarî konferansê bibin. Wê ezmûnên têkoşîna jinan û destkeftiyên di encamê de hatine bidestxistin dê werin parvekirin.

 

Naveroka bernameya konferansa du rojan hate eşkerekirin.

 

Naveroka konferansê wiha ye:

 

*Di roja yekem de

 

*Axaftina vekirinê dê ji hêla Hevberdevka Înîsiyatîfa Yekîtiya Demokratîk Gulcan Kaçmaz Sayyiğit ve di saet 10:00 û 10:30 de were kirin.

 

*Sinevizyon

 

*Nameya Leyla Guven dê bê xwendin

 

*Wê di rûniştina 1, 2 û 3'yan de tecrube werin parvekirin 

 

*Nameya Semra Guzel dê were xwendin

 

Roja yekem dê saet 18:00'an bi dawî bibe.

 

Roja 2'yem 

 

*Komxebat 

 

*Sakîne Cansiz û Komxebata Zoomê: Pirsgirêkên rêxistinî û pêşniyarên çareseriyê yên parlamenterên jin di pêşxistina siyaseta demokratîk de li dijî siyaseta serdest a mêran.

 

*Leyla Qasim: Rola parlamenterên jin a di yekîtîya neteweyî û polîtîkayên çareseriyê de.

 

*Hevrîn Xelef: Têkoşîna hevbeş a li dijî tundî û cudakariya li ser jinan.

 

*Mîna Qazî: Beşdariyên temsîliyeta siyasî ya jinan a di aştiya civakî û demokratîkkirina siyasetê de.

 

*Parvekirina encam û pêşniyarên komxebatê.

 

*Xwendina daxuyaniya dawî.

 

*Girtin û girtina wêneyan a komî."